Resuming the blog after a short break with this Hindi poem that was written by my uncle Sanjeev Nagpal, a poetry enthusiast on the life of women in India:
Main iss mahaan desh ki ek aam hoon naari
Par mere apne hi logon ki nazar mujh par padi bhaari.
Ghar ke bahar nikalte hi ghoorti hain gidd aankhein,
Jinko bheed mein dekh kar bhi tham jaati hain saansein.
Kab kya anhoni ho jaye, darr se bhara hai zehen.
Gande fitro, shararti aankhon se mian jaati hoon saham.
Ghar se manzil tak ek khauf apne hi sheher mein,
Kya beti sahi salamt lautegi wapas apne hi ghar mein?
Mandiro mein main Laxmi, Saraswati, Durga ka roop ho jaati hoon,
Aur sadak pe aate hi ek vastu, ek cheez ho jaati hoon.
Ab band karo ashleelta aur hawas ka vyapar.
Varna tumhare vinash ke liye dhaar loongi Durga ka avtaar.
So rahi hai janta, police aur desh ka shaasan,
Par jaag gayi hain betyaan, ab tu nahi bachega dushasan.
Ye kaisa hai mera desh, mere desh ki shaan?
Neta to deta hai naare, ‘India is shining’, ‘Incredible India’, mera desh mahan!